بقلم أسامة هاني صعب
من كتر المحبة يا ناس
احترت شو بدي إهديهم
ستي وجدي بيرفعوا الرّاس
بقلبي وعيوني بخبيهم .
حيّكتلهم كنزة صوف
ليدفوا بهل شتويّة
ابيض احمر بني وموف
منسوجة برضا وحنية
كبّرتها بشكل كبير
متل اللحّاف والبطنيّة
لبْسوها وانبسطوا كتير
وضمّوا بعضهم بعفوية.
وبلش جدي يقول لأُووف
وستي تزرغد غنيّة.
شو حلوة هل كنزة أُوف
خبرتني خبرية
الشّغف بيناتهم موجود
وبيحبوا بعضهم بجنون،
هو الرّمش هي العيون
ودمعهم ما بيحرق لجفون.
يا رب هل عمر يطول
ليضل جامعهم سْويّة
ولكنزة كانت احلى هدية
،
Latest posts by Rihab Hani khattar (see all)
- أطول جملة في “البؤساء” للكاتب ڤيكتور هيجو - ديسمبر 23, 2025
- حوار مع الشاعرة رانيا مرعي - ديسمبر 23, 2025
- اللغة بين قلق الأكاديميين و هشاشة المستهلكين - ديسمبر 14, 2025