شو الحُب؟

بقلم الشاعر هلال البعيني

شو الحُب ؟
قِلّي يا حبيب الروح
زر القميص من الصدر مفتوح ؟
هل يا ترى
شِفّه عَصَرها نبيد ؟
وقديش شرب نبيدها
مسموح ؟

قلتلها : يا روح وين بروح؟
تاجبلك المعنى الحقيقي وزيد
مش أيد بدك يا حبيبي ،
روح
تاتحب روح مغمّسه بنبيد

ما الحب أسمو للعمر تجديد
الحزن بوجودو من الصدر
مطروح
ومجروح …
قلبو مجلبب التنهيد
انما كان ريقك بلسم المجروح

مثل العرق لما امتزج بالمي
الروحين…
صاروا روح متحده
هيك البيحبوا ، بالشمس بالفي
اللحظات وحده وروحهن وحده

هودي البيحبوا عن صدق إيمان
كلما قرصهن جوعهن
والبرد
بيدفوا عا نار اللي بجسد
شعلان
والشوق وقده، الموقده
من الورد

رغيف السعاده بيعجنوا
ألوان
بجرن الفرح والمي
كاس دموع
وعالعمر
يمرق عمرهم دفيان
والجوع يمرق
ما يعيشوا الجوع

هودي حبيبي مثلنا
وظني
خلقت لهن يا حبابنا
الجنه
عشنا عا خمرة وعدنا المنصب
بكاس المحبه وحُبنا نجنّي
يا كنزة الصوف
خيوطها شو بحب
من خيوط روحي
عطيتها هنّي
بألوان جنة ربّنا والرب
فيها جمعنا وهيك طمّني
جسمين عشنا عمرنا
المنحب
والروح كنزه شغلها فنّي
من خيوط وجه البنت
وجه الشب
سنّك
رسمها عا ورق سنّي
وصرنا نبع منّا الوفا بيغب
وبعدو بيضحك سنّك وسنّي
يعني عا آخر روح يا هالحُب
لا الموت …
منك رح بياخدني
ولا الموت …
حتى بياخدك مني
ا