ليل وتلج ودروب منسية
والعتم لاطي والقمر نعسان
وبعجقة قناديل مضوية
وحدو المقعد ناطر وبردان
عيونو على الطرقات مرمية
ناطر وعنو ما حدا سئلان
ياما ع زندو حباب متكية
وياما وياما توشوشوا الخلان
وخلقت بحضنو مِيتْ خبرية
منها فرح منها هوى وأشجان
بعمرو ما قلن: “ما بقا فيي”
أو قال: “منكن يا بشر ضجران”
صدرو وسيع ودمعتو سخية
بيكتم أنينو والقلب تعبان
ولما التلج غطاه مَسويّة
عالدفى هربوا وسكروا بوابن
وتركو لوحدو بهالبرد سهران
Latest posts by Rihab Hani khattar (see all)
- مرآة - يناير 13, 2026
- دروب منسية - يناير 13, 2026