فكرت أعمل من السعادة بيت
و من قلب قلبي عمر حجارو
فتشت ما لقيت نقطة زيت
كحل حيطانو و إحفظ سرارو
إلا و ظهر خيال بنص الحيط
و قال تروك فكرك يكفي مشوارو
و نزلت دمعتي و قلت يا ريت
عقلي عجوز و خسر أفكارو
و فجأة بلشت إرجف و إحمريت
بلش الكوخ يهز و جرارو
و طار بالسما و شو تمنيت
يبقى الحب مصبر بأوكارو
و سمعت صوت بيقول عالسكيت
تحقق الحلم و خلصت خبارو
بقلم فادي الحاج
Latest posts by Rihab Hani khattar (see all)
- سلطانة المكان - سبتمبر 13, 2026
- حوار مع الإعلامي و الشاعر زاهي وهبي - أغسطس 11, 2026
- يوسف يونان طراد:صلاة النقد و قلق الانطباع - يوليو 3, 2026