بقلم الشاعر هلال البعيني
مش كل ورده كمامها حمره
يعني عطر من كمّها
بتشم
ولا كل شفّه مغمسه حُمره
يعني عزيمه تاتدوق
التم
مش كل حامل عا جبينو
جروح
بيجوز مجرم وانضرب سكين
وْلَا من النعجه ان كان
حامل روح
معناتها قديس أو مسكين
منّو ضروري ينقرا
المكتوب
من زينة غلافو من العنوان
يمكن حكي بداخلو
مكتوب
مليان شوق وبالعتب مليان
ملمس الأفعى ناعم وبيغر
والسم تحت نيابها
بلا عطف
وملمس الشوك بيجرح
وبيضر
لكن بيحمي وردنا من القطف
من هيك
لا تحكم على المظهر
الإنسان جوهر قيمتو الجوهر
بيجوز …
صاحب هالوشم إنسان
روحو
من الياسمين والعنبر
بيجوز …
عارف في طفل زعلان
بيّو فقير من الفقر أفقر
بدّو هديه
وعالظرف عتبان
وسنتا …
بعيد وما حدا خبّر
استقرض البدله ويقّظ الإنسان
البداخلو
ويسوع ضوّا شموع
دربو
ومشي عا سكة الوجدان
الشيطان حتى يرجعو ممنوع
يعني
بقلبو لم وعي الإيمان
صفّى ملاك بعكس ما بيوحي
يزرع
محبة وخير يا يسوع …
الشاعر هلال البعيني
- أطول جملة في “البؤساء” للكاتب ڤيكتور هيجو - ديسمبر 23, 2025
- حوار مع الشاعرة رانيا مرعي - ديسمبر 23, 2025
- اللغة بين قلق الأكاديميين و هشاشة المستهلكين - ديسمبر 14, 2025