ما بعرف شو المقصد كان
حتى يخلقنا الله
حسيتو مثل الزهقان
وقاعد فينا يتسلى
ناس من التخمه بتعيش
وفي ناس بتحيى دراويش
وكرمال الزْعْما في ناس
بتروح فراطة بقشيش
مقسومين جناس جناس
ونازلين ببعضن تطبيش
بتركض ليل بتسعى نهار
تتجّمع لآخرتك
وبآخرتك رح تنهار
ويمكن ما تتشفع فيك
مسبحتك او مبخرتك
اول ما بتخلق باكي
وبعدك ما مفتح عينيك
ووقت تغمضهم تاكي
بمقبرتك رح يبكوا عليك
بِقلّك أحفر بالصخر
وعالجمر الشعلان مشي
حتى تجمع عز وفخر
وفيك الشيب بينخر نخر
وبتروح وما بتاخد شي
من هوني لولا مصباح
السحر بيعطني من هون
يا بخلّي العالم مرتاح
وبلون ومش مية لون
يا بقفل بابي بمفتاح
الما في بكرا ولا في أمس
وبمحّي مسرح هالكون .
Latest posts by Rihab Hani khattar (see all)
- التراث الروحي و علاقته بالعبور - مارس 26, 2026
- بين منقوشةٍ و كتاب…ولد أديبٌ من جوع آخر - مارس 25, 2026
- نافذة الأمل … والحنين إلى علما الشعب - مارس 14, 2026