بقلم الشاعر هلال البعيني
شفت ختيار عا مفرق
زمانو
خلص تقديم حصة
إمتحانو
كأنو كتاب وجداني
مسطّر
بحبر الجرح وبريشة
حنانو
عا وجّو الحزن
صوره لشعب مُقهر
الحَكَم أعطاه بس الحِكِم
هانو
صفي عا بيدرو
نملة البيدر
انسرق قمحو
وشحد حبة زوانو
انتفض عالظلم يشكي
من المقدر
ويلعن …
مسؤولين العهد خانو
بثوره ترد حقو وقت فكّر
ألو الكفّار بالمرصاد
كانوا
بعمله مزيّفه تمّو تسكر
وعا كسرة خبز كسروا
عنفوانو
لهالاسباب يا إبني تذكر
العلى خدودو خطوط الضعف
بانوا
الرضي بالذل يحيى رح بيخسر
كيانو
ويغرق بلجة هوانو
شو بدي ياك ثائر
ما تقهقر
العواصف ما تزعزعلو كيانو
لأنو
الفارس الأمرد الأكبر
بحربو
ما بيفقد اتزانو
بيوقع فقط
عن صهوة الابجر
شهيد
وما بتقبل نفس حرّه
أسير الذل
ينزل عن حصانو
Latest posts by Rihab Hani khattar (see all)
- أطول جملة في “البؤساء” للكاتب ڤيكتور هيجو - ديسمبر 23, 2025
- حوار مع الشاعرة رانيا مرعي - ديسمبر 23, 2025
- اللغة بين قلق الأكاديميين و هشاشة المستهلكين - ديسمبر 14, 2025