بقلم جمانة الشمندي
الكون ملعب كبير
نحنا ع ارضو عم نلعب
كل يوم في رابح وخسران
في ناس بتنجح
في ناس بتتعب
وناس ما خصها بالملعب
الكون ملعب كبير
ناس بتشارك وبتلعب
ناس من ارضها بتحضر
اي فكرو فيها مظبوط
وحطو ع الارض الخطوط
هون ارضك هون ارضي
لازم ما تجي صوب ملعبي
كرمال هيك حطو بين الدول الحدود
ولعبو ع ارضهم الجدود
شعوب حرقت الاخضر
وشعوب عملت من ارضها جنة
ع الملعب في لعب نضيف
وفي لعب وصخ ريحتو خمة
في لاعب كل همو بحياتي الربح
وكل فكرو كيف رح يصيب الهدف
وفي ناس بتلعب بكرامة وشرف
ونزلتها ع الملعب فيها عزة
الدني فيها هيك وهيك
الدني يوم الك ويوم عليك
الدني فيها غالب ومغلوب
ناس بتخلق وناس بتموت
وبتضل الدني للكل ملعب كبير
Latest posts by Rihab Hani khattar (see all)
- أطول جملة في “البؤساء” للكاتب ڤيكتور هيجو - ديسمبر 23, 2025
- حوار مع الشاعرة رانيا مرعي - ديسمبر 23, 2025
- اللغة بين قلق الأكاديميين و هشاشة المستهلكين - ديسمبر 14, 2025