بقلم شربل خيامي
صبية حلوة بأوّل شبابها ..
جهلانة .. طايشة ..
بدّا تحبّ وتفرح وتضهر ..
وبنهار كانت لابسة فستان ..
وفجأة …
بتشوف شاب خارق الجمال
وبتتقرّب منه وبتسألو عن الأحوال..
بنادي ل مرافقه وبيأمرو يجيب…
دفتر الشيكات ..
وبيسأل الصبية عن المبلغ اللي بدّا إيّاه ..
ويوم بعد يوم ..
صاروا أحباب ..
يوم بجبلها خاتم ..
ويوم سلسال ..
تعلّقت بثروته كتير ..
لَ يوم طلبها للزواج ..
ومن دون تفكير ..
قبلت العرض وصاروا زوجان .
بعد فترة ساءت الأحوال ..
زوجها ما عاد يجبلها ..
لا خاتم .. ولا سلسال ..
زعلت … حسّت حالها ..
خسرت كل شي ! ..
وقرّرت تنهي الزواج ..
وبعد فترة صار الطلاق ..
وكل شخص راح بطريق ..
الطمع ضيّعلها حياتها ..
والمال عمالها عيونها ..
نسيت إنو الدني دولاب ..
يوم معك .. ويوم عليك ..
يا بنتي إنتبهي ع حالك بهالإيام ..
لا تهتمّي لا بالثروات ولا بالمال ..
تذكرّي حبّ إمّك إلي ..
أنا الفلاح ..الفقير ..
اللي ما هديتها لا دهب ولا جاه ..
بس , بس ..
كانت علاقتنا مبنية عالحب والإعجاب ..
بالرغم من سوء الأحوال ..
قضينا أحلى العمر سوا ..
وبرجع بقللك يا بنتي ..
إنتبهي من المال ..
لأنو وسخ الإيدين ..
يمكن تضيق الأحوال ..
ويروح المال ..
بس لمّا تضيق الأحوال ..
بعمرو الحبّ ما بينهزّ ..
الحب الحقيقي الطالع من القلب للقلب ..
- أطول جملة في “البؤساء” للكاتب ڤيكتور هيجو - ديسمبر 23, 2025
- حوار مع الشاعرة رانيا مرعي - ديسمبر 23, 2025
- اللغة بين قلق الأكاديميين و هشاشة المستهلكين - ديسمبر 14, 2025