بقلم عفاف العياش
راح اشترى بدلة الميلاد
تاحتّى يلبسها عا العيد
قصدو يفرّح كل الولاد
ويرسم بسمة من جديد
بليلة شفتو صوبي جاية
بإيدو التنين كياس كياس
سألتو مرة عن سر الحكاية
قلي هالعيد بفرِّح الناس
قلتلو يا عمي الدولار نار
والهدية الوحدة سعرا غالي
قلّي يا بني ما يهمك الأسعار
قصدي فرِّح الكبار والصغار
راح ورجع مكسور الخاطر
حامل بدلتوا على كتافو
مدري ليش شولي صاير
لوّى قلب كل مين شافو
قلّي يا بني معك حق
الله يعين لعندو ولد
من هل الوضع قلبي طَق
قلّي ليش خربوا البلد
✍عفاف العياش
Latest posts by Rihab Hani khattar (see all)
- التراث الروحي و علاقته بالعبور - مارس 26, 2026
- بين منقوشةٍ و كتاب…ولد أديبٌ من جوع آخر - مارس 25, 2026
- نافذة الأمل … والحنين إلى علما الشعب - مارس 14, 2026