- الحب الكبير - مارس 22, 2026
- الى كل ام في الحياة - مارس 21, 2026
- أمي.. نبضُ الروح - مارس 20, 2026
الطيب طبعي والوفا راس مـالي
يا سعد من حافض على راس ماله
عايش في الدنيا على قـد حـالي
والله يعلــم كيف قلبـي وحـاله
ما همني كسب الفلوس والريالي
بانترك الدنيا وتبقا الجماله
نكسب رضى المعبود رب الجلالي
اما رضى الانسان اكبر عماله
رزقك من الله ذي يجيب السؤالي
ماهو من الناس ياعديم الرجاله
والصبر في بعض المواقيف حالي
والنذل يحسب ان صبرك نذاله
لا تستهين ياصاحبي بالرجالي
قدر الرجال ماهو بفقره وماله
المال مايرفع عديم الخصالي
مايرفعه الا الخلق والجماله
من كان طيب صح له قدر عالي
اما الردي حطه بكيس الزباله
امسيت ساهر في ضلام اليالي
نومي شرد والقلب زاد اشتعاله
زادي وشربي والمنام ما هنالي
خابت ضنوني في صقور الرماله
ياصاحبي ماعاد لي قلب سالي
من يوم شفت الجيد باع الزماله
والاخ يخدع والصديق مايبالي
كلن على الثاني يريد العماله
بالقرش تبتاع الرجال الغوالي
ما همهم لو كان عمه وخاله
شديت من هاذا البلاد الرحالي
وداعة الله يابلاد النذاله
بقلم
الشاعر ابو الأحرار