بقلم سميرة فاضل غانم
منديل ما بدو الدمع يمحيه
بدو ايدين تحن عا خدو
زهّر القلب الي سكنتو فيه
ولا بتنقص الدقات ننعدو
مرات بيكون البعد تمويه
تتظل نهدةْ هالقلب حدو
عفّةْ العشق النار عم تصليه
تيطول عمرو بيحتمي بحدو
بيكتب غرامو عالسما لو فيه
سيف السكوت مشيت عا حدو
تيظل نهرو سيل عايم فيه
بنظراتنا الكلمات بيقدو
عاجنب نبضو هالقلب خليه
بجيبة قميص معطر بقدو
بيكفيه لو لمسة دفا ترويه
كل ما تنهد شوقنا وهدو
غناني عشق من دقتو يهديه
ويفصّل الأيام عا قدو
والبعد لولا طوّل لياليه
وراح العمر أللهْ لا يردو
وهالحب بِ معبد طهر صليه
البعيد عن العيون ساكن قلب
هيك قالوا لْ جربو وردّو
Latest posts by Rihab Hani khattar (see all)
- أطول جملة في “البؤساء” للكاتب ڤيكتور هيجو - ديسمبر 23, 2025
- حوار مع الشاعرة رانيا مرعي - ديسمبر 23, 2025
- اللغة بين قلق الأكاديميين و هشاشة المستهلكين - ديسمبر 14, 2025