بقلم الدكتور الياس مقبل
يا بَسْمي، يا القادرة تغيّري كتيرْ
شوفي مَقالي كيف فيكي بيتغنّى
مهما تعبنا…الشَقا كلو بيطير
لما وقت نشوفك لِنا بيتسنّى.
ابتَسَم الجبل، صار وادي عَميق
ابتسم الورد، صار الورد يتحلّا
ابتسم النبع، فاض الخير الغميق
ابتسم القمر، صار الليل يتجلّى
شو سرّ هالبسمة الإنسانيي
المعتّقة بصدورنا قبل الدهر
ضحكي خفيفي بتهدم حصون القويي
بسمي وحيدي بتقلب الصحارى زهر
وياما الوجع خفّ وقلّ هَمّو
لما المريض بيشرب من تمّ إمو
وإذا حبال العِدا الحبيب شَدّو
بترجع البسمة من بعيد بتردّو
Latest posts by Rihab Hani khattar (see all)
- أطول جملة في “البؤساء” للكاتب ڤيكتور هيجو - ديسمبر 23, 2025
- حوار مع الشاعرة رانيا مرعي - ديسمبر 23, 2025
- اللغة بين قلق الأكاديميين و هشاشة المستهلكين - ديسمبر 14, 2025