بقلم شربل خيامي
طفلة يتيمة
كلّها براءة ..
اشتاقت ل بَيْها
إلو سنة غايب عنها ..
سألت إمها عن مكانو ..
قالت لها : بيّك بالسما !
زعلت .. زعلت كتير …
راحت تسأل خوالها ..وعمامها ..
خالاتها .. وعمّاتها ..
وكلن نفس النتيجة !!
صرلو سنة غايب عنها ..
بس اشتاقتلو كتير ..
هوّي اللي كان سندها ..
ونبع حنانها .. .
وبيوم من الإيام ..
وبحصّة الرسم ..
طلبت المعلمة من الولاد ..
يرسمو أحلامهم ..
فرسمت هالبنت هالصورة ..
طفلة بقلب طيارة ..
عم بتحلّق بالجوّ ..
عم بتفتّش عَ بَيْها ..!
حلمها جسّدتو ع ورقة
حلمها تطير عالسما ..
وتلاقي بيها !..
خللينا نتعلّم من قصة هالبنت ..
إنو نشكر ربنا على نِعَمو ..
على نعمة العيلة ..
هالبنت خسرت سندها ..
خسرت بَيها .. وأحلامها ..
هالبنت عرفت …
إنو بَيْها وحدو سندها ..
ما حدن بيقدر يحلّ مكانو ..
كَذَب اللي قال :
العمّ بَيْ والخال بَيْ ..
الأب ما بيتعوّض ..
فاشكروا الله ع وجودو ..
ع وجود السند والحنان ..
ع وجود الوالد بحياتكم ..
- التراث الروحي و علاقته بالعبور - مارس 26, 2026
- بين منقوشةٍ و كتاب…ولد أديبٌ من جوع آخر - مارس 25, 2026
- نافذة الأمل … والحنين إلى علما الشعب - مارس 14, 2026