شو بحسّ؟ ما بعرف…
لمّا بلمحك…
متل ال…غِفِتْ نجمات
ع كتف الفلك
متل ال…مَرَقْ عصفور
من حدّ النهر…
لملم شوية عطر
من تمّ الزهر…
خبّى القمر بجوانحو
وراح….
الله يسامحو.
رشىرش عهالميّات
كمشة سحر،
نزلو ملايكة السما
ليسبحو
وبحّة الناي
ترقِّص الغيمات
وتشرِّد مواويل بالطرقات….
وإنت!
فوق حصانك الأبيض
متل الحلم…
متل الفجر…
متل لون البحر
بساعة غروب…
وفتِّح عيوني
وإرجع لحالي
ومني حالي يضيع
عا هاك الدروب!
Latest posts by Rihab Hani khattar (see all)
- نافذة الأمل … والحنين إلى علما الشعب - مارس 14, 2026
- وللرسالة ..رسلٌ وسبل! - مارس 9, 2026
- أبجديتي - مارس 9, 2026